ਜੱਦ ਦਾ ਪੁੱਤਰ ਬਾਹਰ (foriegn ) ਗਿਆ ਏ , ਖਾਲੀ ਹੋ ਘਰ-ਬਾਰ ਗਿਆ ਏ
              ਝੂਠੇ ਹਾਸੇ ਹਸਦੀ ਹੈ , ਮਾਂ ਲੋਕਾਂ ਨੂ ਦੱਸਦੀ ਹੈ
ਡਾਲਰ-ਪੋਂਡ ਕਮਾਉਂਦਾ ਹੈ ਸੋਹਣਾ ,ਉਥੇ ਦਫ਼ਤਰ ਜਾਂਦਾ ਹੈ ਸੋਹਣਾ
ਉਚੀ ਕੋਠੀ ਪਾ ਬੈਠੀ ਹਾਂ , ਸੋਹਣਾ ਘਰ ਬਨਾ ਬੈਠੀ ਹਾਂ।
ਕੁੱਲੀ ਛੱਡ ਕੇ ਕੋਠੀ ਪਾਈ ਹੈ, ਕੀਤੀ ਸਾਰੀ ਉਸ ਕਮਾਈ ਹੈ
ਪਿਉ ਦਾ ਭਾਰ ਉਠਾ ਲਿਆ ਸੋਹਣੇ - ਇਨ੍ਹਾ ਕੁਝ ਕਮਾ ਲਿਆ ਸੋਹਣੇ
ਜੱਦ ਵੀ ਸ਼ਹਿਰ ਮੈਂ ਜਾਣੀ ਆਂ - ਲਖ੍ਹਾਂ  ਦੇ ਵਿਚ ਲਾਉਣੀ ਆਂ
ਹੁਣ ਕਾਹਦਾ ਪਰਦੇਸ ਨੀ ਅੜੀਏ ,  ਬਾਹਰ (foriegn ) ਵੀ  ਆਪਣਾ  ਹੀ ਦੇਸ਼ ਨੀ ਅੜੀਏ
ਜੱਦ  ਵੀ ਕੋਈ  ਮਜਬੂਰੀ ਹੋਵੇ - ਉਹਦਾ ਆਣ ਜਰੂਰੀ ਹੋਵੇ
8 ਘੰਟੇ ਵਿੱਚ ਆ ਜਾਂਦਾ - ਸਾਰੇ ਕੰਮ ਨਿਪਟਾ ਜਾਂਦਾ


ਇਨ੍ਹੇ ਵਿੱਚ ਦੋ ਹੰਜੂ ਡਹਿ ਪਏ , ਇੰਜ ਨਿਕਲੇ ਕੇ ਬੋਲਣ ਡਹਿ ਪਏ
ਫੇਰ ਮਾਂ ਸਚ-ਸਚ ਬੋਲਣ ਪਈ , ਦਿਲ ਦੇ ਜ਼ਖਮ ਫਰੋਲਣ  ਲੱਗ  ਪਈ
ਬਾਹਰੋ-ਬਾਹਰੀ  ਜਿਉਂਦੀ ਆਂ ਅੜੀਏ , ਅੰਦਰੋਂ ਤਾਂ ਉਹ ਮਾਰ ਗਿਆ ਏ
ਜੱਦ ਦਾ ਪੁੱਤਰ ਬਾਹਰ (foriegn ) ਗਿਆ ਏ, ਖਾਲੀ ਹੋ ਘਰ-ਬਾਰ ਗਿਆ ਏ

ਰੋਟੀ ਠੰਡੀ ਖਾਂਦਾ ਨਹੀ ਸੀ - ਕਪੜੇ ਗੰਦੇ ਪਾਉਂਦਾ ਨਹੀ ਸੀ
ਨੀਂਦਰ ਦਾ ਬੜਾ ਹੀ ਪੱਕਾ ਸੀ ਉਹ, ਸੁਭਾ ਮਸੀਤੀਂ ਜਾਂਦਾ ਨਹੀ ਸੀ
ਇਨ੍ਹਾ ਗੁੱਸਾ ਕਰਦਾ ਸੀ ਉਹ - ਗੱਲ-ਗੱਲ ਉਤੇ ਲੜਦਾ ਸੀ ਉਹ
ਉਥੇ ਕਿਸ ਨਾਲ ਲੜਦਾ ਹੋਸੀ , ਕਿਵੇਂ ਗੁਜਾਰਾ ਕਰਦਾ ਹੋਸੀ
ਇਹ ਗਮ ਦਿਲ ਨੂੰ ਠਾਰ ਗਿਆ ਏ , ਜੱਦ ਦਾ ਪੁੱਤਰ ਬਾਹਰ ਗਿਆ ...............

6 ਮਾਹ ਪਹਿਲੇ ਆਇਆ ਸੀ ਉਹ , ਆਪਨੇ ਘਰ ਪਰਾਇਆ ਸੀ ਉਹ
ਰੋਟੀ ਠੰਡੀ ਖਾ ਲੈਂਦਾ ਹੈ - ਕਪੜੇ ਗੰਦੇ ਪਾ ਲੈਂਦਾ ਹੈ
ਜੱਦ ਵੀ  ਪੁਸ਼ਦੀ ਹਾਂ ਪੁੱਤ ਤੂੰ ਠੀਕ ਹੈਂ - ਹੱਸ ਕੇ ਚੁੱਪ ਜਿਹਾ ਕਰ ਜਾਂਦਾ ਹੈ
ਮੈਂ ਉਹਦੀ ਮਾਂ ਵਾਂ ਅੜੀਏ , ਅਦਬ ਦੀ ਥਾਂ ਵਾਂ ਅੜੀਏ
ਮੇਰੇ ਅੱਗੇ ਬੋਲਦਾ ਨਹੀ ਹੈ - ਹੰਜੂਆ ਦੇ ਦਰ ਖੋਲਦਾ ਨਹੀ ਹੈ
ਕਿੱਤੇ ਮੈਂ ਦੁਖੀ ਨਾਂ ਹੋ ਜਾਵਾਂ , ਹੱਸ-ਹੱਸ ਵਕਤ ਗੁਜ਼ਾਰ ਗਿਆ ਏ
ਜੱਦ ਦਾ ਪੁੱਤਰ ਬਾਹਰ ਗਿਆ ...................

ਮੈਂ ਉਸਨੂ ਪਹਿਚਾਨਦੀ ਆਂ , ਮੈਂ ਤੇ ਹਰ ਗੱਲ ਜਾਣਦੀ ਆਂ
ਅੱਖ ਓਹਲੇ ਪਰਦੇਸ਼ ਨੀ ਅੜੀਏ - ਦੇਸ਼ ਤੇ ਹੁੰਦਾ ਏ ਦੇਸ਼ ਨੀ ਅੜੀਏ
ਅੰਗ ਵਿੱਚ ਸੜਣ ਕਮਾਈਆਂ ਅੜੀਏ - ਪਾਈਆਂ ਜਿਨ੍ਹਾ ਜੁਦਾਈਆਂ ਅੜੀਏ
ਹੁਣ ਤਾਂ ਇਹ ਇਰਾਦਾ ਕੀਤਾ ਏ - ਆਪਨੇ ਦਿਲ ਨਾਲ ਵਾਦਾ ਕੀਤਾ ਏ
ਰੂਖਾ-ਸੂਖਾ  ਖਾਹ ਲਾਂ ਗੀ ਮੈਂ - ਵਾਪਸ ਪੁੱਤਰ ਬੂਲਾ ਲਾਂ ਗੀ ਮੈਂ
ਵਾਪਸ ਪੁੱਤਰ ਬੂਲਾ ਲਾਂ ਗੀ ਮੈਂ , ਵਾਪਸ ਪੁੱਤਰ ਬੂਲਾ ਲਾਂ ਗੀ ਮੈਂ
##surajsharma #
-&uraj&pike